Košarkaš Partizana Alen Smailagić ovih dana je dao sebi oduška nakon duge i naporne sezone u klubu. Nakon što nije uspio da se domogne titula u ABA ligi i Košarkaškoj ligi Srbije sa crno-bijelima, niti doigravanja za Top 8 u Euroligi, Smailagić je odlučio da stane na ludi kamen.
Oženio se svojom izabranicom, lijepom plavušom Asijom Mumdžić iz Novog Pazarai priredio žurku za pamćenje na koju je pozvao i svoje saigrače. Dok strani mediji pišu da je na pragu odlaska iz Partizana, povremeni reprezentativac Srbije se provodio uz taktove pjesama Emine Jahović, ali i sada već čuvene Galine numere „Freed from desire“.
